Останато

Состанок за заштита од сајбер напади

Скопје, 23 април 2013 година

 

На 23 април 2013 година Дирекцијата за безбедност на класифицирани информации, во согласност со своите законски надлежности во доменот на информатичката безбедност на класифицираните информации, одржа работен состанок за информирање на учесниците за активностите што се преземаат во насока на дефинирање на потребите во Република Македонија за заедничка соработка меѓу државниот, јавниот и приватниот сектор во однос на безбедноста и заштитата од сајбер напади.
На состанокот зедоа учество претставници на надлежните министерства, на компании коишто припаѓаат на критичната инфраструктура и најголемите интернет сервис провајдери во земјата.

Известување за промена на адресата на Дирекцијата

ноември 2012 година

 

Врз основа на известувањето на Град Скопје – Сектор за комунални работи, во согласност со Законот за определување на имиња на улици, плоштади, мостови и други инфраструктурни објекти, од 29 ноември 2012 година Дирекцијата за безбедност на класифицирани информации се води на адреса ул. „Васко Каранѓелески“ бр. 8 (Касарна „Гоце Делчев“), 1000 Скопје. Другите податоци за контакт остануваат исти.

Учество во меѓуресорската работна група за CIRT во Република Македонија

Скопје, септември 2012 година

 

Со одлука на Владата на Република Македонија формирана е меѓуресорска работна група за подготовка на акциски план за воспоставување Национално тело за справување со компјутерски инциденти (CIRT) во Република Македонија. Дирекцијата за безбедност на класифицирани информации е активно вклучена во работната група со двајца претставници коишто даваат стручни совети во доменот на заштитата на класифицираните информации во комуникациско-информатичките системи.

Прв состанок на Тематската работна група за обуки на националните безбедносни авторитети на земјите од ЈИЕ (SEENSA ТWG T)

Софија, 12 септември 2012 година

 

Првиот состанок на Тематската работна група за обуки на националните безбедносни авторитети на земјите од Југоисточна Европа (SEENSA ТWG), со којашто претседава Дирекцијата за безбедност на класифицирани информации, се одржа на 12 септември 2012 година во Софија, Бугарија, како паралелен настан со меѓународната конференција на тема „Добрите практики во заштитата на класифицираните информации: постигнувања и потешкотии“ со којашто бугарската служба го одбележа својот 10-годишен јубилеј.
На состанокот на работната група беа презентира резултатите од десегашната работа и беа договорени следните активности за изработка на работните материјали за следната SEENSA конференција што ќе се одржи во мај 2013 година во Тирана, Албанија.

Известување за промена на адреса на Дирекцијата

март 2012 година

 

Врз основа на известувањето на Град Скопје – Сектор за комунални работи, во согласност со Законот за определување на имиња на улици, плоштади, мостови и други инфраструктурни објекти, органите на државната управа што досега биле нумерани со букви (бб) сега се со нова нумерација. Оттука, од 15 март 2012 година Дирекцијата за безбедност на класифицирани информации се води на адреса ул. „Ангел Димовски“ бр. 8 (Касарна „Гоце Делчев“), 1000 Скопје. Другите податоци за контакт остануваат исти.

Состанок меѓу Република Македонија и Политичкиот и Партнерскиот комитет на НАТО за ПАРП проценката 2011 година

Брисел, 14 јуни 2011 година

 

На 14 јуни 2011 година во Седиштето на НАТО во Брисел се одржа состанокот меѓу Република Македонија и Политичкиот и Партнерскиот комитет на НАТО за ПАРП проценката 2011 година со којшто се заокружува 12-иот циклус од подготовките на Република Македонија за членство во НАТО.

На состанокот, на којшто присуствуваше и директорот на Дирекцијата за безбедност на класифицирани информации, беше оценето дека ПАРП документот е изработен добро и дека дава јасна слика за напредокот на државата. Конечниот писмен извештај за остварениот напредок во подготовките на Република Македонија за членство во НАТО наскоро се очекува и официјално да биде доставен до државата, по што ќе претставува една од основите врз којашто ќе се базираат активностите од 13-иот циклус на подготовки на Република Македонија за членство во Алијансата.

Промена на статусот на вработените во Дирекцијата

Скопје, 5 јануари 2011 година

 

Со донесување на Законот за изменување на Законот за класифицирани информации („Службен весник на РМ“, бр. 145/2010), статусот на вработените во Дирекцијата за безбедност на класифицирани информации од лица со посебни должности и овластувања се промени во државни службеници.

Закон за изменување на Законот за класифицирани информации

Скопје, 9 ноември 2010 година

 

На 27 октомври 2010 година со Указ на претседателот на Република Македонија, Ѓорге Иванов, Собранието на Република Македонија го донесе Законот за изменување на Законот за класифицирани информации.
Законот е објавен во „Службен весник на РМ" бр.145 од 5 ноември 2010 година.

Закон за изменување на Законот за класифицирани информации

Скопје, октомври 2010 година

 

Во рамките на завршните активностите за донесување на Закон за изменување на Законот за класифицирани информации, Предлог-законот го помина првото читање во собраниска процедура.

Предлог-закон за изменување на Законот за класифицирани информации

Скопје, септември 2010 година

 

Во тек е активност за донесување Закон за изменување на Законот за класифицирани информации. Измените се однесуваат на член 67 во однос на статусот на вработените во Дирекцијата, заради негово усогласување со Законот за државни службеници. Предлог-законот за изменување на Законот за класифицирани информации помина на Седница на Владата на Република Македонија. Се очекува собраниска процедура за донесување на Законот за изменување на Законот за класифицирани информации.

Syndicate content