Конференции

Балатон, Унгарија, 02.09.- 03.09.2013 година

Во периодот од 2-3 септември 2013 година, во Балатон, Унгарија, се одржа Третата конференција за информатичка безбедност и сајбер одбрана, на којашто учествуваше и директорот на Дирекцијата за безбедност на класифицирани информации.

Драч, 27-29 мај 2013 година

Во периодот од 27 до 29 мај 2013 година во Република Албанија, во Драч, се одржа Третата конференција на раководителите на националните безбедносни авторитети на земјите од Југоисточна Европа (SEENSA). На конференцијата учествуваа раководителите на националните безбедносни авторитети од Република Албанија, Босна и Херцеговина, Република Бугарија, Косово, Република Македонија, Република Молдавија, Романија, Република Словенија, Република Србија, Република Хрватска и Република Црна Гора, како и директорот на Канцеларијата за безбедност на НАТО (NOS), г. Стивен Смит.

Акцентот на конференцијата беше ставен на извештаите за сработената работа на четирите работни групи што беа формирани на претходната конференција на SEENSA што се одржа во мај 2012 година во Република Словенија, како и на нивните понатамошни активности во пресрет на следната конференција на SEENSA најавена за мај 2014 година којашто ќе се одржи во Босна и Херцеговина.

Брдо, 7-9 мај 2012 година

Во периодот од 7 до 9 мај 2012 година во Република Словенија, на Брдо, се одржа Втората конференција на раководителите на националните безбедносни авторитети на земјите од Југоисточна Европа (SEENSA). На конференцијата учествуваа раководителите на националните безбедносни авторитети од Република Албанија, Босна и Херцеговина, Република Бугарија, Косово, Република Македонија, Република Молдавија, Романија, Република Словенија, Република Србија, Република Хрватска и Република Црна Гора, како и генералниот секретар на Советот за регионална соработка на ЕУ (RCC), г. Хидо Бишевиќ, заменик-директорот на Генералниот секретаријат на Советот на ЕУ, г. Дејвид Галовеј и директорот на Канцеларијата за безбедност на НАТО (NOS), г. Стивен Смит.

Варшава, 6-8 ноември 2011 година

На покана на Националниот безбедносен авторитет на Република Полска, директорот на Дирекцијата за безбедност на класифицирани информации ќе учествува на Конференцијата на земјите од Вишеградскaта група посветена на стандардите за заштита на класифицирани информации со наслов „Иницијатива за обука за класифицирани информации“ што ќе се одржи во периодот од 6 до 8 ноември 2011 година во Варшава.

12-15 септември 2011, Охрид

Во периодот од 12 до 15 септември 2011 година во Охрид се одржа конференција под наслов „Висока конференција: Безбедносната политика на Европа – дипломатија, одбрана и развој“. Конференцијата се одржа во рамките на Програмата за обука за ЗБОП за земјите од Процесот на стабилизација и асоцијација за 2011 година, во коорганизација на Дирекцијата за безбедност на класифицирани информации и Европскиот колеџ за безбедност и одбрана (ЕКБО), при што Австрија, како еден од иницијаторите на програмата за обука, беше twinning партнер за овој настан.

Софија, 25-27 мај 2011 година

По иницијатива на Секретаријатот на Советот за регионална соработка (Regional Cooperation Centre – RCC) на ЕУ и на Државната комисија за безбедност на информации на Република Бугарија, на 26 мај 2011 година во Софија се одржа Првата средба на раководителите на националните безбедносни авторитети на земјите од Југоисточна Европа, на тема „Регионалната соработка на полето на функционирањето на системите за заштита на класифицирани информации – практики и предизвици со коишто се соочуваат земјите од Југоисточна Европа“.

Охрид, 29-30 јуни 2009 година

Во периодот од 29-30.06.2009 година во Охрид, во хотел „Инекс Горица“, Дирекцијата за безбедност на класифицирани информации одржа меѓународна конференција на тема „Искуствата на НБА од подготовките и по зачленувањето во НАТО“. На Конференцијата зедоа учество делегации од националните безбедносни авторитети на Албанија, Босна и Херцеговина, Бугарија, Германија, Словачка, Словенија, Србија, Украина, Унгарија, Франција, Хрватска, Чешка и Црна Гора, предводени од нивните директори или заменици-директори. На Конференцијата учествуваше и заменик-директорот на Канцеларијата за безбедност на НАТО од Брисел. Од страна на Република Македонија, покрај претставници на Дирекцијата како домаќин на Конференцијата, учествуваа и претставници од регистрите за класифицирани информации на Дирекцијата за безбедност на класифицирани информации од повеќе министерства од земјата коишто директно се вклучени во работата со класифицирани информации

Холандија, септември 2008 година

Во септември 2008 година, Дирекцијата со свои претставници учествуваше на Самитот за информатичка технологија (INFOPROTECT Business Summit) во Холандија. На Самитот беа презентирани последните технолошки решенија во информатичката безбедност, а претставници на Дирекцијата остварија контакти со истакнати компании за информатичка технологија. Соработката со нив ќе продолжи во наредниот период.

Скопје, 10-11 јули 2007 година

Тема: Подобрување на имплементацијата и примената на Законот за слободен пристап до информации од јавен карактер, на Законот за класифицирани информации и на Законот за заштита на личните податоци

На 30 мај, на 10 и на 11 јули 2007 година се одржаа тркалезни маси на тема „Подобрување на имплементацијата и примената на Законот за слободен пристап до информации од јавен карактер, на Законот за класифицирани информации и на Законот за заштита на личните податоци“.

Целта на средбата беше експертска расправа за имплементацијата на овие три закони од страна на централната власт, банкарскиот сектор, медиумите и секторот за телекомуникации

Охрид, 28-29 јуни 2007 година

Дирекцијата за безбедност на класифицирани информации активно учествуваше во подготовките и во реализацијата на Безбедносниот форум на Евроатлантскиот партнерски совет (ЕАПС), што се одржа во Охрид на 28 и на 29 јуни 2007 година.

Во повеќемесечните подготовки за Форумот ДБКИ преку своите претставници во Секретаријатот за организација на настанот, им ја доближи на сите учесници безбедносната политика на НАТО во областа на класифицираните информации