Посети

TAIEX Студиска посета на Државната комисија по сигурноста на информацијата на Република Бугарија

23-25 октомври 2017 година, Софија

 

PictureВо рамките на „Студиската посета за размена на добрите пракси во областа на взаемната размена и заштита на класифицирани информации“, а со поддршка на TAIEX инструментот на Европската Комисија, во периодот од 23-25 октомври 2017 година, тричлена делегација од Дирекцијата за безбедност на класифицирани информации престојуваа во Софија, Република Бугарија, како гости на бугарската Државна комисија по сигурноста на информацијата (ДКСИ).

TAIEX Студиска посета на Националниот безбедносен авторитет на Република Италија

Рим, 27-29 септември 2016 година

 

Во периодот од 27-29 септември 2016 година тројца претставници на Дирекцијата за безбедност на класифицирани информации реализираа TAIEX студиска посета нa Националниот безбедносен авторитет на Република Италија, во соработка со TAIEX инструментот на Европската комисија. Целта на оваа студиска посета беше размената на искуства и стекнување нови знаења од доменот на физичката безбедност на класифицираните информации и безбедноста акредитација на комуникациско-информатичките системи низ коишто се процесираат класифицирани информации.

TAIEX Студиска посета на Националниот безбедносен авторитет на Република Естонија

Талин, 23-25 август 2016 година

 

Во периодот од 23-25 август 2016 година, во соработка со TAIEX инструментот на Европската комисија, беше реализирана TAIEX студиска посета нa Националниот безбедносен авторитет на Република Естонија. Тројца претставници на Дирекцијата за безбедност на класифицирани информации ја реализираа посетата со цел да разменат искуства и стекнат нови сознанија од доменот на сајбер безбедноста, со акцент на законската рамка, на моделите за практична соработка во регионален и меѓународен контекст, како и на научените лекции и применливи решенија во справувањето со новите предизвици.

Студиска посета на Брисел како втора фаза од обуката за Заедничка надворешна безбедносна политика и сајбер безбедност

Брисел , 18-21 април 2016 година

 

Претставник на Дирекцијата за безбедност на класифицирани информации беше дел од групата што во периодот од 18 до 21 април 2016 година ја реализираше студиската посета на Брисел во организација на Секретаријатот за европски прашања (СЕП) како втора фаза од обуката на тема „Заедничка надворешна безбедносна политика и сајбер безбедност“ - Програма 5: CFSP and cyber security (поглавја 31 и 24 од НПАА). Студиската посета беше организирана во рамките на петтиот циклус на обуки на Норвешкиот проект: Одржлив систем на ЕУ обуки и учењe, чијашто цел е зајакнување на аналитичките капацитети на работните групи за подготовка на НПАА, во подготовка на првата фаза на преговори (аналитички преглед на acquis).
Целта на обуката/студиската посета беше јакнење на аналитичките капацитети и напредно знаење во областа на ЗНБП и сајбер безбедноста преку непосредно запознавање со институциите на ЕУ и преку дискусии со странски предавачи и експерти на тековни прашања и прашања од интерес на евроинтеграциските процеси на Република Македонија.

TAIEX Студиска посета на Националниот безбедносен авторитет на Република Чешка

Прага, 7-10 март 2016 година

 

Во периодот од 7-10 март 2016 година тројца претставници од Дирекцијата за безбедност на класифицирани информации реализираа TAIEX студиска посета нa Националниот безбедносен авторитет на Република Чешка, во соработка со TAIEX инструментот на Европската комисија. Целта на оваа студиска посета беше размената и стекнување на нови искуства од доменот на сајбер безбедноста, со акцент на релевантната регулатива на ЕУ и на Чешката Република, искуствата на Чешка во изработката на стратегијата за сајбер безбедност и во изградбата на Националниот центар за сајбер безбедност, како и искуствата од доменот на заштитата од електромагнетно зрачење (ТЕМПЕСТ).

Посета на ENISA

Атина, 16 декември 2015 година

 

Во рамките на пилот проектот „Унапредување на сајбер безбедноста, заштита на информатичките и комуникациските мрежи – ENCYSEC“, претставник на Дирекцијата за безбедност на класифицирани информации беше дел од групата што на 16 декември 2015 година ја посети Европската агенција за безбедност на мрежи и информации (ENISA) во Атина. Проектот е финансиран од ЕУ со поддршка на Инструментот за придонес кон стабилноста и безбедноста, управуван од EC DG DEVCO. Целта на проектот е подигање на степенот на безбедноста и

TAIEX Студиска посета на Националниот безбедносен авторитет на Словенија

Љубљана, 15.07.- 16.07.2013 година

 

Во периодот од 15.07.- 16.07.2013 тројца претставници од Дирекцијата за безбедност на класифицирани информации престојуваа во студиска посета на Националниот безбедносен авторитет на Словенија, организирана со поддршка на ТAIEX инструментот на Европската комисија.

Темата на оваа студиска посета беше развој на проектот НСА облак од аспект на подготовка на проектната документација и неговата практична имплементација.

Најава за посета на тим на САД на Република Македонија

Скопје, септември 2012 година

 

Во рамките на процесот за билатерални преговори за склучување генерален договор за размена на класифицирани информации во делот на одбраната меѓу Република Македонија и САД, најавена е посета на тимот на Владата на САД на Република Македонија во периодот од 5 до 8 ноември 2012 година. Посетата на тимот на САД ќе биде искористена за разговори со делегацијата на Република Македонија за водење преговори за склучување спогодби за размена на класифицирани информации на билатерална основа со други држави и за остварување повеќе работни средби со претставници на надлежните служби во Република Македонија.

Средба со Претседателот на Националниот безбедносен авторитет на Унгарија

Скопје, 23 април 2012 година

 

На 23 април 2012 година во Дирекцијата за безбедност на класифицирани информации се одржa средба со Претседателот на Националниот безбедносен авторитет на Унгарија, г. Михали Зала којшто претстојуваше во работна посета на Република Македонија во рамките на посетата на високата делегација од Министерството за јавна администрација и правда на Унгарија предводена од државниот секретар д-р Марсел Биро.
Средбата во Дирекцијата беше искористена за размена на искуствата од заемната соработка во рамките на организираните активности со поддршка на TAIEX инструментот на Европската комисија, при што унгарската делегација даде иницијатива и поддршка за учество во twinning и TAIEX активности по избор на Дирекцијата. Воедно, на средбата двете страни го потврдија интересот и својата подготвеност за скоро започнување билатерални преговори за склучување спогодба за размена и заемна заштита на класифицирани информации меѓу владите на двете земји.

Нов термин за посетата на преговарачкиот тим на САД на Република Македонија

Скопје, 30 мај 2011 година

 

Посетата на тимот на Владата на САД на Република Македонија, којашто беше најавена за периодот од 9 до 13 мај 2011 година, ќе се реализира во периодот од 20 до 24 јуни 2011 година. Во рамките на процесот за билатерални преговори за склучување генерален договор за размена на класифицирани информации во делот на одбраната меѓу Република Македонија и САД, посетата на преговарачкиот тим на САД ќе биде искористена за остварување повеќе работни средби со претставници на надлежните служби во Република Македонија и за посета на компанија што се занимава со наменско производство за потребите на одбраната.

Syndicate content