TAIEX Работилница во врска со заштитата на чувствителните информации

Скопје, 22-23 март 2018 година

 

PictureСо поддршка на TAIEX инструментот на Европската комисија, на 22 и 23 март 2018 година во хотелот „Холидеј Ин“ – Скопје, Дирекцијата за безбедност на класифицирани информации ја организира работилницата со наслов „Чувствителните информации во областа на бизнисот, банкарството и ревизијата – правни решенија и практики“. Работилницата ја отвори директорот на Дирекцијата д-р Стојан Славески, а предавачи беа експерти од Дирекцијата за безбедност на класифицирани информации на Република Македонија и од националните безбедносни авторитети на Република Бугарија, на Република Хрватска и на Кралството Шпанија.
Целта на оваа дводневна работилница беше добивање компаративни сознанија, размена на искуства и унапредување на знаењата на учесниците за третманот на класифицираните и чувствителни информации во сферата на бизнисот, банкарството и ревизијата. Заради интегрирање на различните искуства што произлегуваат од секојдневната практична работа со класифицирани и чувствителни информации, на работилницата активно учество земаа претставници од државни институции, ревизорски тела, деловни банки, компании од приватниот сектор, невладини организации и клучни институции од критичната инфраструктура и безбедносниот сектор на Република Македонија.

Соработка со Филозофскиот факултет

Скопје, 19 март 2018 година

 

PictureДиректорот на Дирекцијата за безбедност на класифицирани информации, д-р Стојан Славески, потпиша Меморандум за соработка со деканот на Филозофскиот факултет, проф. д-р Ратко Дуев. Во таа пригода пред студентите на Филозофскиот факултет директорот одржа предавање на тема „Безбедносна култура и заштита на тајните информации во безбедносниот систем на РМ“.

Посета на директорот на НАТО Канцеларијата за безбедност

Скопје, 5-6 март 2018 година

 

PictureПо повод 14-годишнината од формирањето на Дирекцијата за безбедност на класифицирани информации, на 5-6 март 2018 година во посета на Република Македонија престојуваше директорот на НАТО Канцеларијата за безбедност, г-ѓа Венди А. Башнан.
Програмата за посетата на г-ѓа Башнан вклучи нејзино учество на советувањето со безбедносните служби што Дирекцијата го организираше на 5 март 2018 година на тема „Реформите во безбедносно-разузнавачката заедница во Република Македонија и интеграцијата во НАТО“, како и поединечни средби со раководителите на безбедносните служби при Министерството за внатрешни работи и при Министерството за одбрана, како и со раководителот на Агенцијата за разузнавање. За време на посетата на Скопје, г-ѓа Башнан имаше можност да се сретне и со националниот координатор на Република Македонија за подготовки за членство во НАТО, д-р Стево Пендаровски.

Соработка со Факултетот за безбедност – Скопје

Скопје, 12 февруари 2018 година

 

PictureНа 12.02.2018 година, на Факултетот за безбедност – Скопје, директорот на Дирекцијата за безбедност на класифицирани информации, д-р Стојан Славески одржа предавање на тема: Безбедносната култура и заштита на тајните информации во безбедносниот систем на Република Македонија. Притоа, Деканот на Факултетот за безбедност – Скопје проф. Д-р Никола Дујовски и директорот на ДБКИ потпишаа Меморандум за соработка меѓу двете институции.

Средба со директорот на НАТО Канцеларијата за безбедност

Брисел, 23 ноември 2017 година

 

PictureНа 23 ноември 2017 година во Седиштето на НАТО во Брисел, директорот на Дирекцијата за безбедност на класифицирани информации, д-р Стојан Славески оствари средба со директорот на НАТО Канцеларијата за безбедност, г-ѓа Венди Башнан, којашто покрај менаџирањето на Канцеларијата има функција и на главен советник на Генералниот секретар на НАТО за безбедносни прашања и на Претседавачот со Воениот комитет на НАТО и претседава со комитети на високо ниво.

TAIEX Студиска посета на Државната комисија по сигурноста на информацијата на Република Бугарија

23-25 октомври 2017 година, Софија

 

PictureВо рамките на „Студиската посета за размена на добрите пракси во областа на взаемната размена и заштита на класифицирани информации“, а со поддршка на TAIEX инструментот на Европската Комисија, во периодот од 23-25 октомври 2017 година, тричлена делегација од Дирекцијата за безбедност на класифицирани информации престојуваа во Софија, Република Бугарија, како гости на бугарската Државна комисија по сигурноста на информацијата (ДКСИ).

Средба со шефицата на Мисијата на ОБСЕ во Скопје, амбасадорката Нина Суомалаинен

Скопје, 17 октомври 2017 година

 

PictureНа 17 октомври 2017 година директорот на Дирекцијата за безбедност на класифицирани информации, д-р Стојан Славески оствари средба со шефицата на Мисијата на ОБСЕ во Скопје, амбасадорката Нина Суомалаинен. За време на средбата беше разговарано за тековните активности на Дирекцијата, за досегашната соработка со Мисијата на ОБСЕ во Скопје во рамките на проектот за методологијата за изработка на процената на ризик за информатичка безбедност, како и за можностите за воспоставување поблиска соработка преку влегување во нови проекти поддржани од ОБСЕ.

Состанок на Директорите на Националните безбедносни авторитети од регионот во формат 6S

Белград, 06 октомври 2017 година

 

На 06 октомври 2017 година во Белград, Република Србија, се одржа петтиот состанок на директорите на Националните безбедносни авторитети на земјите од поранешните југословенски републики (формат 6S), како консекутивна (back-to-back) активност со Седмата SEENSA конференција. Состанокот беше поддржан од Регионалниот совет за соработка на ЕУ (RCC) како резултат на неговата јасна определба за поддршка на сите форми на регионална соработка што не се контрадикторни на SEENSA форматот на соработка.

Седма конференција на националните безбедносни авторитети на земјите од Југоисточна Европа (SEENSA)

Белград, 05 октомври 2017 година

 

PictureНа 05 октомври 2017 година во Белград, Република Србија, се одржа Седмата конференција на националните безбедносни авторитети на земјите од Југоисточна Европа (SEENSA). Ко-претседавачи на конференцијата беа директорот на НСА на Србија, д-р Горан Матиќ и генералниот секретар на Регионалниот совет за соработка на ЕУ (RCC), г. Горан Свиларевиќ. На конференцијата учествуваа делегации на националните безбедносни авторитети од Република Албанија, Босна и Херцеговина, Република Бугарија, Косово, Република Македонија, Република Молдавија, Романија, Република Словенија, Република Србија, Република Хрватска и Република Црна Гора, како и претставник на Генералниот секретаријат на Советот на ЕУ. Специјални гости на отворањето на конференцијата беа претседавачот со Парламентарната комисија за безбедност и одбрана на Србија и директорот на Полиција.

Работилница за безбедносната политика на НАТО

Брдо, 25 – 29 септември 2017 година

 

Директорот на Дирекцијата за безбедност на класифицирани информации учествуваше на работилницата за безбедносната политика на НАТО што се одржа во периодот од 25 до 29 септември 2017 година на Брдо, Словенија, во организација на Канцеларијата на НАТО за безбедност и Националниот безбедносен авторитет на Словенија. Работилницата беше наменета за претставници на земјите што не се членки на НАТО и за претставници на други меѓународни организации, со цел нивно запознавање со практичните искуства од примената на безбедносните регулативи и процедури на НАТО.

Syndicate content