Билатерална соработка

Нов термин за билатералните преговори со Италија

Скопје, февруари 2012 година

 

Поради временските услови, на барање на италијанската страна, втората фаза од билатералните преговори меѓу делегациите на Република Македонија и на Република Италија за склучување спогодба за размена и заемна заштита на класифицирани информации, што требаше да се реализира во периодот од 20 до 22 февруари 2012 година во Скопје, ќе се одржи во април 2012 година. Новиот термин ќе биде дополнително утврден.

Билатерални преговори со Србија

Скопје, 5-6 март 2012 година

 

Во Скопје на 5 и на 6 март 2012 година ќе се одржи средба на делегациите на Република Македонија и на Република Србија за водење преговори за склучување спогодба за размена и заемна заштита на класифицирани информации на којашто ќе започнат билатерални преговори за усогласување на текстот на спогодбата.

Втора фаза билатерални преговори со Италија

Скопје, 20-22 февруари 2012 година

 

Во периодот од 20 до 22 февруари 2012 година во Скопје, по покана на шефот на Делегацијата за водење преговори на Република Македонија за склучување спогодби за размена на класифицирани информации на билатерална основа со други држави, ќе се одржи втората фаза од билатералните преговори за склучување спогодба за размена и заемна заштита на класифицирани информации на меѓу Владата на Република Македонија Владата на Италијанската Република. Во оваа втора фаза од билатералните преговори се очекува да се заокружат преговорите за финалниот текст на спогодбата, по што би отпочнала процедурата за одобрување на текстот од страна на Владата на Република Македонија.

Билатерални преговори со Националниот безбедносен авторитет на Италијанската Република

20-21 септември 2011, Рим

 

На иницијатива на Дирекцијата за безбедност на класифицирани информации, а по покана на Националниот безбедносен авторитет на Италијанската Република, на 20-21 септември 2011 година во Рим се одржа првата фаза од билатералните преговори за усогласување на текстот на Спогодбата меѓу Владата на Република Македонија и Владата на Италијанската Република за размена и заемна заштита на класифицирани информации. Преговорите коишто резултираа со договорена прва верзија на текстот на спогодбата, се одвиваа во конструктивна атмосфера пришто беа разменети досегашните искуства на двете дирекции во доменот на заштитата на класифицираните информации.

Билатерални разговори со НБА на Република Словенија за имплементација на спогодбата за размена и заемна заштита на класифицирани

Скопје, 5 мај 2011 година

 

На 11 и 12 мај 2011 година во Љубљана, по покана на Националниот безбедносен авторитет на Република Словенија, ќе се одржат билатерални разговори за имплементацијата на Спогодбата меѓу Владата на Република Македонија и Владата на Република Словенија за размена и заемна заштита на класифицирани информации, којашто беше потпишана на 31 март 2010 година во Скопје и влезе во сила на 1 јануари 2011 година.

На разговорите, на највисоко ниво на националните безбедносни авторитети на двете земји, ќе бидат дискутирани повеќе прашања сврзани со практичната примена на одредбите од билатералната спогодба во меѓусебната соработка на надлежните служби на Република Македонија и на Република Словенија во доменот на заштитата на класифицираните информации и на процедурите за безбедносна проверка на корисниците на класифицирани информации.

Спогодба со Република Франција

Скопје, 5 јули 2010 година

 

На 5 јули 2010 година во Скопје беше потпишана Спогодба меѓу Владата на Република Македонија и Владата на Француската Република за размена и заемна заштита на класифицирани информации.

По овластување на претседателот на Владата на Република Македонија, м-р Никола Груевски, во име на Владата на Република Македонија, спогодбата ја потпиша г-дин Зоран Коњановски, министер за одбрана на Република Македонија. Во име на Владата на Република Франција, спогодбата ја потпиша Н.Е. г-дин Жан-Клод Шлумберже, амбасадор на Република Франција во Република Македонија.

Спогодба со Република Словенија

Скопје, 31 март 2010 година

 

На 31 март 2010 година во Скопје беше потпишана Спогодбата меѓу Владата на Република Македонија и Владата на Република Словенија за размена и заемна заштита на класифицирани информации.

По овластување на претседателот на Владата на Република Македонија, м-р Никола Груевски, во име на Владата на Република Македонија Спогодбата ја потпиша в.д. директорот на Дирекцијата за безбедност на класифицирани информации.

Усогласување текст на спогодба со Француската Република

Скопје, 15-17 февруари 2010 година

 

Во периодот од 15 до 17 февруари 2010 година во Скопје, по покана на шефот на Делегацијата за водење преговори на Република Македонија за склучување спогодби за размена на класифицирани информации на билатерална основа со други држави,се одржа втората фаза од билатералните преговори за склучување спогодба за размена и реципрочна заштита на класифицирани информации меѓу владите на Република Македонија и на Француската Република. Во оваа втора фаза од билатералните преговори беше усогласена претходно договорената верзија на текстот на спогодбата, при што беа усогласени и последните експертски отворени прашања. Во тек се процедурите во двете земји за одобрување на конечната верзија на текстот на спогодбата, по што ќе следува нејзино потпишување.

Усогласување текст на спогодба со Франција

Париз, 23-26 ноември 2009 година

 

Во периодот од 23 до 26 ноември 2009 година во Париз се одржа првата фаза од билатералните преговори за усогласување на текстот на спогодбата со Владата на Француската Република коишто резултираа со договорена прва верзија на текстот на спогодбата. Со цел што поскоро да се усогласи финалната верзија на текстот на билатералната спогодба, делегациите на двете страни се договорија втората фаза од преговорите да се одржи во Скопје во втората половина на февруари 2010 година.

Спогодба со Полска

Скопје, 24 ноември 2009 година

 

На 24 ноември 2009 година, Министерот за надворешни работи на Република Македонија и Амбасадорот на Република Полска во Скопје ја потпишаа Спогодбата меѓу Владата на Република Македонија и Владата на Република Полска за заемна заштита на класифицирани информации. Во тек е процедурата за нејзина ратификација од страна на Собранието на Република Македонија.

Syndicate content