Семинари и обуки

Рефлективен семинар за ЗБОП

6-9 октомври 2014 година, Скопје

 

Во периодот од 6-9 октомври 2014 година во Скопје се одржа Рефлективниот семинар за Заедничка надворешна политика (ЗБОП) на ЕУ со што беше заокружен циклусот обуки за 2014 година во рамките на Програмата за обука за ЗБОП наменета за земјите членки на Процесот за стабилизација и асоцијација. Реализацијата на циклусот обуки за ЗБОП оваа година за прв пат беше поддржан од TAIEX инструментот на Европската комисија. Обуката ја спроведе Европскиот колеџ за безбедност и одбрана (ЕКБО), а twinning партнери и коорганизатори на семинарот во Скопје беа Министерството за одбрана и спорт на Република Австрија, како еден од иницијаторите на програмата за обука, и Дирекцијата за безбедност на класифицирани информации, со поддршка на Министерството за одбрана на Република Македонија.

Подготвителна обука за полагање на ТОЕФЛ

Скопје, јуни 2014 година

 

Во периодот од 19.05 до 12.06. 2014 година, во просториите на Дирекцијата за безбедност на класифицирани информации се одржа подготвителна обука за полагање на ТОЕФЛ тестот по англиски јазик наменета за вработените во Дирекцијата. Обуката беше спроведена во соработка со Indiana Weslеyаn University од Соединетите Американски Држави, а истата беше реализирана од страна на професорките Кејла Бејлс и Рејчел Гаглиардо, под менторство на професорката Рашел Нил.

Предавање

Скопје, 11 април 2014 година

 

На 11 април 2014 година во просториите на Дирекцијата за безбедност на класифицирани информации, директорот на Дирекцијата одржа предавање на студенти од Факултетот за безбедност, Скопје за поставеноста, работата и улогата на Дирекцијата во безбедносниот систем на државата.

TAIEX Студиска посета на Националниот безбедносен авторитет на Романија

30-31 јануари 2014 година, Букурешт

 

Во периодот 30-31 јануари 2013 година, претставници на Дирекцијата за безбедност на класифицирани информации реализираа TAIEX студиска посета на Националниот безбедносен авторитет на Романија. Акцентот на посетата беше ставен на физичката безбедност на класифицираните информации и безбедносната акредитација на КИС системите.
Посетата е овозможена во соработка со TAIEX инструментот на Европската комисија.

TAIEX Студиска посета на Националниот безбедносен авторитет на Република Полска

9-10 декември 2013 година, Варшава

 

Во соработка со TAIEX инструментот на Европската комисија, во периодот од 9-10 декември 2013 година, тројца претставници од Дирекцијата за безбедност на класифицирани информации реализираа TAIEX студиска посета нa Националниот безбедносен авторитет на Република Полска.

Темата на студиската посета беше од доменот на безбедноста на лица корисници на безбедносни сертификати и воедно претставуваше и можност за размена и за споредување на искуствата на Дирекцијата за безбедност на класифицирани информации на република Македонија и на Агенцијата за внатрешна безбедност на Република Полска.

TAIEX Студиска посета на Националниот безбедносен авторитет на Словачката Република

11-14 ноември 2013 година, Братислава

 

Од областа на индустриската безбедност, а во соработка со TAIEX инструментот на Европската комисија, во периодот од 11-14 ноември 2013 година, тројца претставници од Дирекцијата за безбедност на класифицирани информации реализираа TAIEX студиска посета нa Националниот безбедносен авторитет на Словачката Република.

TAIEX Работилница за заштита од електромагнетно зрачење (TEМPEST)

Сараево, 23.10.- 24.10.2013 година

 

Во периодот, 23.10.- 24.10.2013 година тројца претставници од Дирекцијата за безбедност на класифицирани информации учествуваа на TAIEX работилница за TEМPEST опрема и TEMPEST зонирање. Целта на Работилницата беше унапредување на регионалната соработка на земјите од Западен Балкан во обезбедување заштита на класифицирани информации преку заштита од компромитирачко електромагнетно зрачење и TEMPEST контрамерки.

TAIEX Студиска посета на Националниот безбедносен авторитет на Република Чешка

Прага, 7-10 октомври 2013 година

 

Во периодот од 7-10 октомври 2013 година двајца претставници од Дирекцијата за безбедност на класифицирани информации реализираа TAIEX студиска посета нa Националниот безбедносен авторитет на Република Чешка, во соработка со TAIEX инструментот на Европската комисија. Размената и стекнувањето нови искуства во доменот на класифицираните информации на оваа студиска посета се однесуваше на акредитацијата и сертификацијата на комуникациско-информатичките системи.

Работилница за безбедносната политика на НАТО

Брдо кај Крањ, Словенија, 16-20 септември 2013 година

 

Од 16-20 септември 2013 година во Брдо кај Крањ, Словенија, се одржа Работилница за безбедносната политика на НАТО за офицерите за безбедност на земјите што не се членки на Алијансата и на меѓународните организации. Работилницата беше во организација на Канцеларијата за безбедност на НАТО (NOS) со поддршка на Националниот безбедносен авторитет на Република Словенија. На оваа работилница учествуваше и еден претставник од Дирекцијата за безбедност на класифицирани информации.

Акцентот на Работилницата беше ставен на обуката на офицерите за безбедност со цел полесно имплементирање на НАТО безбедносните стандарди во земјите не-членки на НАТО.

TAIEX Студиска посета на Државната комисија за безбедност на информации на Република Бугарија

Софија, 10-11 септември 2013 година

 

Тројца претставници од Дирекцијата за безбедност на класифицирани информации во периодот од 10-11 септември 2013 година реализираа студиска посета на Државната комисија за заштита на информации на Република Бугарија, организирана со поддршка на TAIEX инструментот на Европската комисија. Целта на оваа студиска посета беше стекнување нови искуства во изведувањето инспекции за имплементација на критериуми и мерки за административна безбедност во регистрите и контролните точки за чување класифицирани информации.

Syndicate content