Семинари и обуки

Постапување на вработените во случај на пожар и ракување со ПП апарати

Скопје, 23 септември 2020 година

 

Во согласност со постојната законската регулатива како и во рамките на програмата на Владата на Република Северна Македонија за одржување редовни обуки за вработените во државните органи за безбедност при работа, на ден 21.09.2020 година во Дирекцијата за безбедност на класифицирани информации беше реализирана обука за ,,Постапување на вработените во случај на пожар и ракување со ПП апарати” . Целта на обуката беше да се воведат мерки кои ќе поттикнат подобрување на безбедноста и здравјето при работа на вработените во Дирекцијата.

Програма за мобилност на државни службеници

Братислава, 24 февруари 2020 година

 

PictureВо периодот помеѓу 24 и 28 февруари 2020 година во Братислава, Република Словачка, тричлена делегација од Дирекцијата за безбедност на класифицирани информации зема учество во студиската програма за мобилност на државни службеници – „Дигитализација, дигитална економија и заштита на податоците“. Организирана од страна на ГЛОБСЕК и други истражувачки институти од земјите од Вишеградската група и финансиски поддржана од Меѓународниот вишеградски фонд, студиската програма имаше за цел споделување искуства на земјите од Вишеградската група а особено искуствата на Р. Словачка во области како што се сајбер безбедност, заштита на информациите, дигитализација на

Работилница за приоритетизација на активностите за имплементација на ЦАФ моделот

Дојран, 11-12 април 2019 година

 

PictureДирекцијата за безбедност на класифицирани информации во периодот 11-12 април 2019 година во Дојран ја одржа Работилницата за приоритетизација на активностите за имплементација на ЦАФ моделот, што се спроведува според Законот за воведување на систем за управување со квалитетот и заедничката рамка за процена на работењето и давањето на услуги во државна служба. На Работилницата учествуваа членовите на Работната група за имплементација на овој модел, раководството на Дирекцијата и фасилитаторите што ѝ беа доделени на Дирекцијата на јавен повик од МИОА. Работилницата се одвиваше во мошне конструктивна и работна атмосфера, што е уште еден показател за тоа дека имплементацијата на овој модел во државните органи може само да го зголеми квалитетот на работењето и управувањето.

Обука за класифицирани информации во ДЦАФ

Скопје, 12 септември 2018 година

 

Од страна на ДЦАФ беше побарана обука за припадници на собраниската служба што ракуваат со класифицирани информации, и тоа од областа на персоналната и административната безбедност на класифицирани информации. Истата беше одржана на 12.09.2018 година во просториите на ДЦАФ од страна на вработени во Дирекцијата.

Обука за класифицирани информации во Царинска управа на РМ

Скопје, 12 септември 2018 година

 

PictureНа 12.09.2018 година вработени од Дирекцијата за безбедност на класифицирани информации одржаа обука на царински службеници во Царинска управа на Република Македонија, при што беше опфатена безбедноста на класифицираните информации од областа на административната, персоналната, физичката и информатичката безбедност.

TAIEX Студиска посета на Република Словенија

Љубљана, 9-13 јули 2018 година

 

Во периодот од 09–13.07.2018 година инспекторите за безбедност на класифицирани информации реализираа студиска посета на Република Словенија, на тема инспекциски надзор и казнени одредби. Студиската посета беше организирана во соработка со НСА Словенија, со поддршка на TAIEX инструментот на Европската комисија. Ефективни работни денови беа од 10-12.07.2018 година во просториите на НСА Словенија.
На обуката свое излагање имаа лица вработени од НСА Словенија, Милан Тарман – државен секретар, Војко Кос – виш советник инспектор во МВР и Јоже Крањц – виш советник инспектор во МО.

Регионална работилница во доменот на справувањето со тероризам и со кривичните дејства што се поврзани со насилен екстремизам

Тирана, 30 мај 2018 година

 

На 30 мај 2018 година во Тирана, Албанија, во организација на Регионалниот совет за соработка (RCC) од Сараево и Министерството за правда на Албанија, се одржа Регионалната работилница за службите за спроведување на законот/судските власти во доменот на справувањето со тероризам и кривичните дејства што се поврзани со насилен екстремизам. Настанот беше организиран под покровителство на ЕУ како составен дел од проектот на Центарот за демократска контрола над вооружените сили (DCAF) за регионални активности за спречување и справување во насилен екстремизам, спонзориран со IPA II 2016.
На работилницата учествуваа претставници на судските власти, јавните обвинителства и на националните безбедносни авторитети на Албанија, Босна и Херцеговина, Косово, Македонија, Србија и Црна Гора, како и гости од меѓународните организации и организациите партнери присутни во земјата.

TAIEX Работилница во врска со заштитата на чувствителните информации

Скопје, 22-23 март 2018 година

 

PictureСо поддршка на TAIEX инструментот на Европската комисија, на 22 и 23 март 2018 година во хотелот „Холидеј Ин“ – Скопје, Дирекцијата за безбедност на класифицирани информации ја организира работилницата со наслов „Чувствителните информации во областа на бизнисот, банкарството и ревизијата – правни решенија и практики“. Работилницата ја отвори директорот на Дирекцијата д-р Стојан Славески, а предавачи беа експерти од Дирекцијата за безбедност на класифицирани информации на Република Македонија и од националните безбедносни авторитети на Република Бугарија, на Република Хрватска и на Кралството Шпанија.
Целта на оваа дводневна работилница беше добивање компаративни сознанија, размена на искуства и унапредување на знаењата на учесниците за третманот на класифицираните и чувствителни информации во сферата на бизнисот, банкарството и ревизијата. Заради интегрирање на различните искуства што произлегуваат од секојдневната практична работа со класифицирани и чувствителни информации, на работилницата активно учество земаа претставници од државни институции, ревизорски тела, деловни банки, компании од приватниот сектор, невладини организации и клучни институции од критичната инфраструктура и безбедносниот сектор на Република Македонија.

Семинар за промоција на „Методологијата за изработка на процена на ризик за информатичка безбедност“

Скопје, 4 мај 2017 година

 

На 04 мај 2017 година во хотел Солун во Скопје се одржа семинар за промоција на „Методологијата за изработка на процена на ризик за информатичка безбедност“, проект финансиран од Мисијата на ОБСЕ во Скопје и организиран во соработка со Дирекцијата за безбедност на класифицирани информации. Учесниците на семинарот беа запознаени со текот на проектот и со изработката на Методологијата во соработка со Националниот безбедносен авторитет на Република Словенија, како и со видувањата за одржливоста на проектот, за евалуацијата на изработената методологија и за идните перспективи во однос на нејзината имплементација од страна на поголем број државни институции во Република Македонија.

TAIEX Работилница од доменот на сајбер безбедноста

Скопје, 20-21 април 2017 година

 

На 20-21 април 2017 година во хотел Арка во Скопје се одржа работилницата на тема „Улогата на Националниот безбедносен авторитет во процесот на воспоставување и оперативната работа на тимот за одговор на сајбер инциденти (CIRT)“, организирана од страна на ДБКИ и поддржана од ТAIEX инструментот на Европската комисија. На работилницата учествуваа педесетина учесници, и тоа претставници на ДБКИ и претставници на државни органи од земјата коишто имаат надлежности или учествуваат во работата на националниот тим за одговор на сајбер инциденти (CIRT).
Гости предавачи на работилницата беа претставници на CIRT авторитетите од Хрватска, Чешка и Финска и претставник на Генералниот секретаријат на Советот на ЕУ, како и претставници на македонскиот CIRT (MKD-CIRT).

Syndicate content