Билатерални разговори со Националниот безбедносен авторитет на Големото Војводство Луксембург

Скопје, 5 мај 2016 година

 

По покана на директорот на Дирекцијата за безбедност на класифицирани информации (ДБКИ), на 5 мај 2016 година во просториите на ДБКИ се одржа состанок на директорско ниво со претставници на Националниот безбедносен авторитет на Големото Војводство Луксембург.
Целта на состанокот беше заемно запознавање и утврдување на потребите за влегување во договорна соработка во доменот на безбедноста на класифицираните информации меѓу владите на двете земји. Притоа, акцентот беше ставен на организациската поставеност, структурата и надлежностите на службите во двете земји, како и на можноста за реализација на билатералните преговори за склучување спогодба за размена и заемна заштита на класифицирани информации во првата половина на наредната година.
Делегацијата на Луксембург воедно одржа и кратка демонстрација на новиот концепт на електронски систем за работа со класифицирани информации до степен „интерно“ со целосно имплементирани мерки на безбедност и селективен пристап што бил развиен за потребите на луксембуршкото претседавање со ЕУ.

Студиска посета на Брисел како втора фаза од обуката за Заедничка надворешна безбедносна политика и сајбер безбедност

Брисел , 18-21 април 2016 година

 

Претставник на Дирекцијата за безбедност на класифицирани информации беше дел од групата што во периодот од 18 до 21 април 2016 година ја реализираше студиската посета на Брисел во организација на Секретаријатот за европски прашања (СЕП) како втора фаза од обуката на тема „Заедничка надворешна безбедносна политика и сајбер безбедност“ - Програма 5: CFSP and cyber security (поглавја 31 и 24 од НПАА). Студиската посета беше организирана во рамките на петтиот циклус на обуки на Норвешкиот проект: Одржлив систем на ЕУ обуки и учењe, чијашто цел е зајакнување на аналитичките капацитети на работните групи за подготовка на НПАА, во подготовка на првата фаза на преговори (аналитички преглед на acquis).
Целта на обуката/студиската посета беше јакнење на аналитичките капацитети и напредно знаење во областа на ЗНБП и сајбер безбедноста преку непосредно запознавање со институциите на ЕУ и преку дискусии со странски предавачи и експерти на тековни прашања и прашања од интерес на евроинтеграциските процеси на Република Македонија.

ТAIEX работилница

Скопје, 19 - 20 април 2016 година

 

На 19 и 20 април 2016 година во Скопје, со користење на TAIEX инструментот на Европската комисија, Дирекцијата за безбедност на класифицирани информации одржа работилница на тема „Прекумерната класификација на информациите во корелација со објективното препознавање на потребата за поседување безбедносен сертификат – најдобри практики и искуства“. На работилницата учествуваа 60-тина претставници на државни институции од Република Македонија во коишто се создаваат и се ракува со класифицирани информации, вклучувајќи ги и безбедносните служби што ги вршат безбедносните проверки за лицата што поднеле барање за издавање безбедносен сертификат.

Прв состанок на MISWG AHWG 10

Тел Авив, 12-13 април 2016 година

 

По формирањето на MISWG конференцијата што се одржа во септември 2015 година во Тел Авив, Израел, ad-hoc работната група на MISWG за Странска сопственост, контрола или влијание (Foreign Ownership, Control or Influence – FOCI) го одржа својот прв состанок на 12-13 април 2016 година во Тел Авив.
На состанокот учествуваа претставници на националните авторитети за индустриска безбедност на земјите членки на AHWG 10: Израел, САД, Канада, Белгија, Холандија, Италија, Македонија, Германија, Словенија, Шпанија и Нов Зеланд. Не беа присутни само претставниците на Велика Британија и Австралија, а Шведска, како домаќин на MISWG конференцијата што ќе се одржи во септември 2016 година, беше присутна во улога на набљудувач.
На состанокот беа презентирани националните извештаи за FOCI состојбите во земјите членки и беа договорени активностите на работната група што треба да се реализираат до наредната MISWG конференција.

TAIEX Студиска посета на Националниот безбедносен авторитет на Република Чешка

Прага, 7-10 март 2016 година

 

Во периодот од 7-10 март 2016 година тројца претставници од Дирекцијата за безбедност на класифицирани информации реализираа TAIEX студиска посета нa Националниот безбедносен авторитет на Република Чешка, во соработка со TAIEX инструментот на Европската комисија. Целта на оваа студиска посета беше размената и стекнување на нови искуства од доменот на сајбер безбедноста, со акцент на релевантната регулатива на ЕУ и на Чешката Република, искуствата на Чешка во изработката на стратегијата за сајбер безбедност и во изградбата на Националниот центар за сајбер безбедност, како и искуствата од доменот на заштитата од електромагнетно зрачење (ТЕМПЕСТ).

Работилница во рамките на иницијативата 6С

Скопје, 25 февруари 2016 година

 

Во рамките на иницијативата за соработка на Националните безбедносни авторитети (НБА) на земјите од регионот, позната под името 6С иницијатива, на 25 февруари 2016 година Дирекцијата за безбедност на класифицирани информации на Република Македонија организира работилница на тема „Елементи на ризик во персоналната безбедност - препознавање и пресретнување“. На работилницата учествуваа претставници на НБА на Босна и Херцеговина, на Република Словенија, на Република Србија, на Република Црна Гора и на Република Хрватска. Исто така, учествуваа и претставници на националните служби за безбедност, академските институции за безбедносни студии и овластените лица за безбедност од релевантните министерства во земјата.

Посета на ENISA

Атина, 16 декември 2015 година

 

Во рамките на пилот проектот „Унапредување на сајбер безбедноста, заштита на информатичките и комуникациските мрежи – ENCYSEC“, претставник на Дирекцијата за безбедност на класифицирани информации беше дел од групата што на 16 декември 2015 година ја посети Европската агенција за безбедност на мрежи и информации (ENISA) во Атина. Проектот е финансиран од ЕУ со поддршка на Инструментот за придонес кон стабилноста и безбедноста, управуван од EC DG DEVCO. Целта на проектот е подигање на степенот на безбедноста и

Обука за Заедничка надворешна безбедносна политика и сајбер безбедност

Скопје , 14-18 декември 2015 година

 

Во периодот од 14 до 18 декември 2015 година, претставник на Дирекцијата за безбедност на класифицирани информации учествуваше на обуката за „Заедничка надворешна безбедносна политика и сајбер безбедност“ (CFSP and cyber security) што се одржа во организација на Секретаријатот за европски прашања (СЕП) во Центарот за обуки на Секретаријатот во Скопје.
Обуката беше организирана во рамките на петтиот циклус на обуки на Норвешкиот проект: Одржлив систем на ЕУ обуки и учењe, чијашто цел е зајакнување на аналитичките капацитети на работните групи за подготовка на НПАА, во подготовка на првата фаза на преговори (аналитички преглед на acquis). Како резултат на тоа, обуката беше наменета за вработени од СЕП и за лица коишто се членови на соодветните НПАА поглавја: 31 - Заедничка надворешна и безбедносна политика и 24 - Правда, слобода и безбедност, односно за лица со активно членство во НПАА работните групи и координативните структури за работа на подготовката, ревизијата и мониторингот на НПАА. Целта на обуката Програма 5 беше јакнење на аналитичките капацитети и напредно знаење во областа на Заедничката надворешна безбедносна политика (CFSP) и Заедничката одбранбена и безбедносна политика (CDSP).

Курс на тема „Програма за студии по сајбер одбрана“

Гармиш Партенкирхен, 30 ноември 2015 – 17 декември 2015 година

 

Претставник од Дирекцијата за безбедност на класифицирани информации учествуваше во Програмата за студии по сајбер одбрана што се одржа во Европскиот центар за обука „Џорџ С. Маршал“ во Гармиш Партенкирхен, Германија. Учеството беше организирано под покровителство на Канцеларијата за соработка во одбраната од Американската амбасада во Република Македонија. Целта на обуката беше разгледување на домашните и меѓународните предизвиците во сајбер одбраната во насока на проучување на природата и тежината на денешните закани.

НАТО курс за менаџирање со информациите

Оберамергау, 30 ноември - 04 декември 2015 година

 

Во периодот од 30 ноември до 04 декември 2015 година во НАТО Школата во Оберамергау, Германија се одржа НАТО курс за менаџирање со информациите (NATO Information Knowledge Management - IKM) на којшто учествуваше претставник на Дирекцијата. Обуката беше фокусирана на запознавање со обврските и предизвиците во планирањето и извршувањето на процесот на менаџирање со НАТО информации.

Syndicate content